Vieiros

Segundo a idea francesa, o reforzo da identidade europea debe pasar necesariamente pola aposta por unha presenza significativa na rede. Nesa liña, propoñen un programa de dixitalización masiva de libros procedentes dos fondos das grandes bibliotecas europeas que poidan ser consultados de balde en internet.

Varios páises europeos están integrados xa nun proxecto de dixitalización de patrimonio cultural e con esta fin, o ministro francés de Cultura vai propoñer na xuntanza que terán a comezos de abril a redifinición desta idea, con eivas de coordinación e ata agora dependente do nivel de compromiso de cada Estado, para convertela no agromo dunha alternativa real á iniciativa do xigante Google.

Lembrámoslles que a e-biblioteca mundial que deseña Google, quere dixitalizar ata sete millóns de libros nun prazo de seis anos, sendo o proxecto para levar á rede os contidos da biblioteca da Universidade de Michigan a iniciativa máis ambiciosa dun plan que por agora inclúe tamén acordos coas universidades de Harvard, Stanford, Oxford e coa Biblioteca Pública de Nova York.