Vieiros

"Si existe a vontade da UE de que esa obra se faga", asegurou este xoves na Coruña Xosé Blanco, secretario de Organización do PSOE. Blanco dixo estar convencido de que "xa non hai escusas para adxudicar a obra, porque o financiamento está garantido". Segundo avanzou, o ministro de Economía recibiu carta da UE onde se fixan "as pautas que se deben seguir" para acadar os cartos. Mentres segue a incerteza sobre o futuro de Punto Langosteira, en Asturias o goberno autonómico vén de confirmar que o proxecto de ampliación de El Musel, en Xixón, contará con 247 millóns dos fondos de cohesión europeos.