Vieiros

Pablo Cimadevila fixo uns excelentes primeiros cincuenta metros ás costas, en segunda posición, pero caeu á terceira praza en bolboreta e á cuarta na braza. Nos últimos 50, ao estilo libre, non puido apreixar o francés Pinard.

Nesta final dos 200 estilos de SM5 o ouro foi a parar a China da man do nadador Iuncuan He, o gran favorito, que ademais conseguiu o récord do mundo cun tempo de 3'04"15. O húngaro Ervin Kovacs, anterior recordmen mundial, conseguiu a prata e, na loita polo bronce, o francés Pascal Pinard venceu a Cimadevila.

Cimadevila garda o consolo de que aínda lle quedan dúas competicións máis en SB4 e S6. Ademais, é o primeiro galego que consegue un diploma paralímpico, logo dos dous ouros de Chano Rodríguez.