Vieiros

Nesta 1ª edición, que se celebrará o próximo sábado 18 de septiembro, preténdese destacar a exemplar traxectoria intelectual de Avelino Pousa Antelo, histórico integrante do Partido Galeguista, actual presidente da Fundación "Castelao" e autor dunha interesante obra ensaística de carácter histórico, económico e social.

Se nalgún aspecto destaca Avelino Pousa Antelo é, sen dúbida, no seu traballo como divulgador da cultura galega; dende a súa posición como cooperativista, pasando pola súa indentificación co Estatuto de Autonomía de Galicia e coas Mocidades Galeguistas até a súa labor como mestre.

Como motivo central da homenaxe celebrarase, a partir das 12.00 hs., unha mesa redonda no espacio simbólico do Museo do Pobo Galego, en Santiago de Compostela, na cal intervirán os seguintes ponentes:
-D. Valentín Arias (mestre; como artífice dunha biografía sobre Avelino Pousa Antelo, ofrecerá unha semblanza da traxectoria vital do autor)
-D. Xosé Manuel Beiras Torrado (político e ensaista; disertará sobre o tema do cooperativismo agrario galego na obra de Avelino Pousa Antelo).
-D. Xosé Fortes Bouzán (mestre; tratará o tema do galeguismo cultural na obra de Avelino Pousa Antelo).
-D.Amancio Liñares Giraut (mestre, autor do libro Conversas con Avelino Pousa Antelo. Memorias dun galego inconformista; centrará a súa disertación no desenvolvemento do ensaio científico de temática agrícola na obra do homenaxeado).

A continuación da mesa redonda, o escritor David Otero realizará unha "laudatio" de Avelino Pousa Antelo, coa posterior resposta do escritor.

Seguidamente, a Asociación de Escritores en Lingua Galega faralle entrega dunha placa conmemorativa do acto, que concluirá con unha comida de carácter institucional.