Vieiros

Telefónica vai comercializar a partir de mañá a tan cacarexada tarifa fixa con tecnoloxía ADSL. Este novo sistema permite aos proveedores facilitar o acceso á rede a gran velocidade subcontratando o servicio GigADSL á principal operadora. A finais do ano 2000 Telefónica terá instalado en 11 millóns de liñas cun investimento de 40.000 millóns de pesetas. O despregue comezará en Madrid e Barcelona e logo irase extendendo ao resto do Estado. Algúns proveedores, como Telefónica Data e Telefónica Interactiva, van comezar xa a comercializar o ADSL a finais deste mes. O custe de instalación e aluguer ou venda do módem específico para ADSL, xunto co prezo do acceso a Internet, dependerá do proveedor.