Vieiros

Ás 3h35 do 20 de marzo ducias de mísiles Tomahawk eran disparados dende catro barcos e dous submariños dos EEUU, apoiados polo ataque simultáneo de varios avións. Segundo declaracións dos mandos militares á CNN, esta primeira vaga de bombas sobre Bagdad tería o obxectivo concreto de matar o presidente Sadam Hussein e altos mandos do seu goberno. Segundo o Goberno británico, non supón aínda “o comezo da gran campaña”. Unha hora despois deste primeiro bombardeo producíase un discurso televisado de Bush que advertía dun conflicto “complicado e longo”. A continuación, a televisión iraquí difundía unha mensaxe de Sadam facendo un chamamento á guerra santa e denunciaba que “o pequeno Bush criminal cometeu un crime contra a humanidade”. Os colectivos pacifistas convocaron manifestacións de protesta en todas as vilas e cidades ás 12:00 e ás 20:00 de hoxe, e tamén ás 20:00 do sábado.

• Irán e Turquía pechan as fronteiras aos refuxiados
• Galicia reacciona contra o ataque
• Bagdad: o testemuño dos brigadistas pola paz
• O mundo á rúa contra a guerra
• Dous estudiantes feridos na carga de Madrid
• Aznar e Fraga xustifican o ataque
• Francia, China, Alemaña e Rusia condenan a guerra
• A última hora na CNN, a BBC, Al-Iazira (só en árabe) e na web do xornalista Christopher Allbriton, que bloguea dende Bagdad.
• Aznar envía 900 militares españois a Iraq
• A rede pide a paz
• Máis información no especial Golpe de Estado Mundial. A Invasión de Iraq