Vieiros

O xurado desta edición do concurso outorgou dúas mencións especiais a Xulio López Valcárcel, pola obra "A lectura como pracer", publicada en "El Ideal Gallego", e a Manuel Pereira Valcárcel, polo traballo "Libros para seguir adiante", presentado tamén no xornal "O Correo Galego".

Este premio foi creado pola Fundación de Exposicións e Congresos da Estrada no ano 1995, co obxectivo de estimular a creación xornalística e promocionar a lectura, especialmente entre público máis novo.

Nesta ocasión, o xurado estivo integrado polo presidente executivo desta fundación, Miguel de la Calle Amaro; o escritor Xosé Neira Vilas; o gañador da anterior edición, Francisco Castro; o mestre e escritor David Otero; o profesor Xosé López Vilariño; o escritor Xosé Luna Sanmartín; e María Carmen Frey, secretaria e membro do comité de seguimento do premio xornalístico.

A entrega destes galardóns realizarase o vindeiro día 16 deste mes, no marco da "XIV Feira do Moble de Galicia". Asemade, o comité de seguimento do certame entregaralle a Xosé Neira Vilas, mantedor do evento, un medallón conmemorativo coma mostra de agradecemento ó seu labor.