Entendese por comercio xusto o movemento internacional (involucra a ONGDs, Nacions Unidas e movementos sociais, sindicais e politicos) que promove un sistema alternativo máis xusto de relacións comerciais e produtivas entre o Norte e o Sur do planeta. Tamén é coñecido polos nomes de Comercio Equitativo, Comercio Solidario ou Comercio Alternativo. Criterios de comercio xusto (Fonte Intermón Oxfam)

O comercio tradicional poucas veces defende os criterios do comercio xusto, e case sempre acentúa as diferenzas entre os países ricos e pobres. Esta situación pódese cambiar a través do comercio xusto, unha ferramenta de cooperación para colaborar á erradicación da pobreza nos países en desenvolvemento e axudar ás poboacións empobrecidas a saír da súa dependencia e explotación. As organizacións de comercio xusto constitúense nun sistema comercial alternativo que ofrece aos productores acceso directo aos mercados do Norte e unhas condicións laborais e comerciais xustas e igualitarias, que lles asegure un medio de vida sustentable. Estas organizacións deben respectar unha serie de criterios básicos para que o seus produtos leven o Selo que os clasifica como produtos de comercio xusto:

Salarios para unha vida digna

Os soldos que reciben os traballadores do Sur condénanos a seren escravos da pobreza. Uns 100 millóns de persoas viven do café. A maioría son xornaleiros ou pequenos campesiños que cultivan as súas parcelas. Cando caen os prezos do café, os pequenos propietarios deben aumentar a área dedicada a este cultivo en detrimento dos produtos para o autoconsumo. Os xornaleiros deben andar varios quilómetros para chegar ata as plantaciones e cargar os sacos de café de volta.

Non á explotación infantil

Os nenos e nenas traballan como adultos en moitos países do Sur. Os xornaleiros son axudados polos seus fillos e fillas para así aumentar os ingresos. As situacións de extrema pobreza que viven as familias fórzaas a iso. Sen unha escola que lles facilite un mellor futuro, traballan demasiadas horas e viven en condicións insalubres e expostos a enfermidades. Ademais, cobran menos polo seu traballo e sofren trastornos que lles afectan física e psiquicamente.

Igualdade entre homes e mulleres

É habitual que a muller cobre un salario inferior por realizar o mesmo traballo ca un home. Desde o berce ata a tumba, as mulleres están sistematicamente discriminadas no plano social e económico. Isto suponlles careceren de posibilidades de alcanzar un emprego seguro, ingresos propios, formación e, xa que logo, tomar decisións sobre o seu propio futuro. O 70% dos que viven na pobreza absoluta son mulleres e hai un abismo entre a retribución que as mulleres reciben e o papel que desempeñan na sociedade.

Respecto ao medio ambiente

A sobreexplotación dos recursos naturais compromete o desenvolvemento dos países do Sur Nos útlimos anos intensificouse o uso de pesticidas e fertilizantes nas plantacións. Estímase que nos países do Terceiro Mundo utilízanse sen control unhas 400.000 toneladas anuais de pesticidas, moitos deles prohibidos nos países do Norte. Aínda que a curto prazo eliminan as pragas, estes produtos afectan á pel e ás vías respiratorias, e provocan a degradación dos solos e a contaminación do medio natural, coa conseguinte recesión dos cultivos. Unha produción de café sen produtos químicos suporía un aforro de entre 100 e 120 € por ano e hectárea, aínda que a produtividade das terras sería menor.

Dereitos laborais

A ausencia de dereitos laborais dificulta a obtención dunhas condicións de vida e traballo máis dignas En moitos países de Sudamérica e África, os capataces van armados; os temporeiros amoréanse en aloxamentos precarios; non hai ningunha cobertura sanitaria para previr enfermidades ou accidentes; as leis non permiten a asociación ou sindicación e, se a permiten, os sicarios encárganse de perseguir os activistas...