A FEG quere saír o paso das declaracións realizadas hoxe polo Conselleiro de Medio Ambiente, sobre o reproche feito cara este colectivo no que se referiu á intención da FEG de trasladar a súa queixa á Unión Europea, e onde recriminou que "o normal será que viñeran a falar con nós antes de ir a Europa" .
[14/02/2007 13:47] ). Segundo os datos para Galicia do Inventario de Emisións do Ministerio de Medio Ambiente (MMA), as emisións de gases causantes do cambio climático do transporte por estrada medraron o 96% entre 1990 –ano base do Protocolo de Quioto- e 2004. A estrada supón a maior parte das emisións do sector do transporte, responsable no seu conxunto do 23 % da contribución galega ao cambio climático. A asociación ecoloxista Verdegaia propón iniciar unha reconversión ecolóxica do transporte para axudar a respectar o Protocolo de Quioto e para diminuír os elevados custos ambientais, sociais e económicos asociados ao transporte.
Continuar 
A CONSELLERÍA DE MEDIO AMBIENTE AÍNDA NON PRESENTOU O PLANO GALEGO DE REDUCIÓN DE EMISIÓNS DE GASES DE EFECTO INVERNADOIRO
Verdegaia demanda á Xunta que corrixa a súa política enerxética para loitar contra o cambio climático
[13/02/2007 19:31] A asociación ecoloxista Verdegaia demanda á Xunta que adapte a súa política enerxética á loita contra o cambio climático. Para iso, debe apostar con forza polo aforro e a eficiencia enerxética, deixar de apoiar as centrais térmicas de carbón e promover máis as enerxías renovables, especialmente nas súas aplicacións máis descentralizadas. Unha nova estratexia enerxética debería ser o eixo central do Plano de Redución de Emisións de Gases de Efecto Invernadoiro (GEI), que a Consellería de Medio Ambiente segue sen facer público a poucos días de que se cumpran dous anos da entrada en vigor do Protocolo de Quioto.
Continuar
CUALIFICA O PROXECTO DE RECUPERACIÓN DA MINA DAS PONTES COMA A "CIDADE DA CULTURA" LEVADA AO PLANO DA RESTAURACIÓN AMBIENTAL.
A FEG denunciará diante das instancias Europeas que o transvase do Eume deixará durante varios anos un Parque Natural mantido só co caudal ecolóxico e con efectos sobre a ría de Pontedeume.
[13/02/2007 11:38] A Federación Ecoloxista Galega considera que detrás do plan de restauración do burato da mina das Pontes, a converter segundo a publicidade de Endesa nun idílico lago interior, se esconde unha importante tragadeira de cartos públicos de longo percorrido e, en boa medida, subtraídos de futuros fondos destinados á protección medio ambiental.
Continuar
