[20/10/2006 13:25] Muammar al-Gaddafi acaba de revitalizar o programa 'One Laptop Per Child' (OLPC), ou o que é o mesmo, 'un portátil por neno'. Esta iniciativa, que parte do Instituto de Tecnoloxía de Massachusetts (MIT) e conta co apoio de varios xigantes empresariais do sector, saiu da idea de que todos os nenos do mundo puideran dispor de un portátil, ofrecendo un modelo axeitado para os críos, resistente, e ao prezo de 100 dólares a unidade. O goberno libio encargou a Quanta, a empresa taiwanesa que se encarga de fabricar estes computadores, un pedido de máis de un millón de unidades. O programa estaba en principio destinado a mercados en desenvolvemento como a China, o Brasil, a India, Rusia, África e Europa do Leste, para tratar de rachar coa fenda dixital dando facilidades de acceso como o prezo, o feito de non precisaren corrente eléctica (contan cunha batería recargábel a man), ou a súa resistencia. A idea non tivo moito éxito nos países aos que ía destinada; sen embargo, Libia voltou a sorprender con esta decisión, ao encargar 1,2 millóns de unidades para un país cunha poboación de 5 millóns e medio de persoas. Os computadores vanse empezar a fabricar a principios de 2007 e a empresa conta con rematar os pedidos nun ano.


Enxeñeiros de telecomunicacións na procura de modelos TIC