|
|
 |
|
 |
|
|
|
|
|
CONCURSO DE MONÓLOGOS MONOLINGÜES
Volve o noso recanto dos faladores (speaker's corner) [03/11/2005 10:00] Remata o prazo para que os faladores e faladoras se inscriban no Concurso de Monólogos Monolingües ‘Move o bico, vennos con contos’, que organiza por segundo ano consecutivo a Comisión de Normalización Lingüística da Facultade de Económicas e Empresariais da USC. En 2004 o vencedor da edición, que foi considerada un éxito de participación e púbico, foi o comunicólogo Manuel Outeiriño.
O Concurso de Monólogos Monolingües é unha iniciativa para mover á reflexión sobre a situación do galego e dos seus falantes a partir dos parrafeos que presenten os concursantes, en galego, durante un espazo de tempo non superior a 15 minutos nun acto público que se desenvolverá ao longo deste mes na Facultade de Económicas.
Ao concurso poderá concorrer calquera membro da Universidade de Santiago. Os monólogos versarán sobre o uso do galego na vida cotiá puidendo ser de creación propia ou teren base popular ou literaria. Cada participante concursará individualmente e cun máximo dunha historia cada un. O gañador do concurso recibirá 200 € en metálico, o que acade o segundo posto 150 € e 100 € para o terceiro, ademais dunha subscrición de balde a BIBLOS-Clube de Lectores por un ano xunto con tres vales para a adquisición de libros a través deste mesmo Clube (200 € ao primeiro, 150 € ao segundo e 100 € ao terceiro). As inscricións recóllense a través da Comisión de Normalización Lingüística da Facultade de Ciencias Económicas e Empresariais ata o 4 de novembro. A primeira edición deste concurso celebrouse ante máis de 250 persoas, desbordando as previsións de participación do comité organizador. O primeiro premio outorgóuselle ao comunicólogo Xosé Manuel Outeiriño polo seu monólogo ‘A lingua e os borbóns de chocolate’; o segundo recaeu en Leonardo Fernández Campos, por ‘Castrapo pajuer’; e, finalmente, Juan Vega González foi o merecedor do terceiro por ‘O cuchilo’.
Hai 0 comentarios para esta nova. Le os comentarios e participa
OUTRAS NOTICIAS
 O Centro de Documentación Sociolingüística ofrece un kit de normalización Propoñen que se introduza unha materia de lingua galega en Dereito Núñez Feijoo pídelle ao executivo que aposte por unha educación trilingüe A UE sinala que o pouco coñecemento de linguas estranxeiras é un lastre para as pemes Os centros de estudos galegos de Escocia e Gales crean unha revista dixital sobre a lingua galega A Mesa promove a actualización da Lei de uso do galego na Administración local O precedente balear axudou a desbloquear o decreto do galego O profesorado empregará a lingua materna para o ensino infantil O novo decreto garante para o vindeiro curso o 50% das materias en galego A Unesco lembra a necesidade de normalizar as linguas maternas |
|
|
|
|
|
|||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||