O abano de criterios que o Consello Toponímico emprega para modificar os nomes de lugar é amplo. De feito, poden mudar os nomes para recuperar formas toponímicas anteriores, para escoller entre varias que estean en uso en diferentes linguas, para restaurar termos nas súas linguas de orixe que foron adaptados por linguas colonizadoras, para limpar incorreccións ortográficas e dialectais a medida que as linguas africanas se estandarizan, e mais tamén para axustar os nomes de lugar ás novas circunstancias "culturais ou políticas", é dicir, a Sudáfrica da igualdade post-apartheid.

No caso concreto de Tshwane, os opositores brancos aseguran que a mudanza toponímica suporá un custo duns 180.000 euros. Outras capitais do cono sur africano xa mudaron o seu nome en tempos. Por exemplo, Salisbury transformouse en Harare (Cimbabue) en 1982 e Lourenço Marqués (Mozambique), en Maputo en 1975.

A web da cidade de Tshwane, que ten como lema 'Somos os mesmos', ten versións en catro idiomas: inglés (principal), africán, zulú e sesotho. En Sudáfrica fálanse case medio cento de linguas distintas, pero teñen distintos graos de oficialidade once: o africán, o ndebele, o sotho, o sesotho, o suaci, o tsonga, o tsuana, o venda, o xhosa, o zulú e o inglés.

OUTRAS NOTICIAS
O Centro de Documentación Sociolingüística ofrece un kit de normalización
Propoñen que se introduza unha materia de lingua galega en Dereito
Núñez Feijoo pídelle ao executivo que aposte por unha educación trilingüe
A UE sinala que o pouco coñecemento de linguas estranxeiras é un lastre para as pemes
Os centros de estudos galegos de Escocia e Gales crean unha revista dixital sobre a lingua galega
A Mesa promove a actualización da Lei de uso do galego na Administración local
O precedente balear axudou a desbloquear o decreto do galego
O profesorado empregará a lingua materna para o ensino infantil
O novo decreto garante para o vindeiro curso o 50% das materias en galego
A Unesco lembra a necesidade de normalizar as linguas maternas