Crear un espazo de experiencias e intercambio entre o profesorado de Galiza e Portugal que se están levando a cabo arredor das TIC nas escolas e reflexionar sobre os principais retos que dende o punto de vista didáctico e curricular terán que enfrontarse coas TIC nos próximos anos, son obxetivos destacados deste primeiro Congreso Ibérico sobre A Fenda Dixital. Organizado por Nova Escola Galega tén lugar en Silleda entre os días 6 e 8 do próximo mes de setembro.

Ao respecto da fenda dixital galega achegámoslles un resumo dalgúns dos indicadores máis significativos. Os datos proveñen dos informes dos últimos informes de Telefónica e Auna sobre a sociedade da información no Estado español e as fontes últimas están nos estudos da AIMC-EGM e do INE.

Puntualizar que no conxunto de indicadores, Galiza acostuma a ocupar os últimos postos xunto con Extremadura e Castela-A Mancha, malia que por exemplo os autores do informe de Telefónica gaban especialmente o avance destas últimas dúas comunidades nos meses recentes.

AS CIFRAS:
Vivendas con acceso a internet en Galiza: 16,9% (media estatal do 25,2%)
Penetración de internet: 26,2% (media estatal do 33,1%)
Aumento de usuarios no último ano: 2,6% (media estatal do 5,3%)
Fogares con computador personal: 35% (media do 43%)
Fogares con computador e conectados a internet: 50,35% (media do 64,12%)
Accesos de banda larga: 4,6% (media do 6,9%)
Fogares con internet de alta velocidade sobre o total de vivendas: 8,25% (media do 13,58%)

Motivos dos galegos para non usar internet:
-38,1% non ten acceso
-79,8% di non interesarlle
-17,5% di que é moi caro
-11,3% di que lle preocupa a seguridade
-20,9% di non ter tempo

Os motivos dos galegos para non ter acceso á rede no fogar:
-11,1% acceden dende outro lugar
-68,1% non saben o que é, non o queren ou din non necesitalo
-18,9% din que a conexión é cara demais
-29,7% non ten coñecementos para usalo
-43% non teñen computador ou o que teñen non é axeitado para navegar

Onde usan os galegos internet:
-46,8% no fogar
-43,5% no traballo
-24,7% no centro de ensino
-34,7% noutros lugares (cibercafés, puntos de acceso dos concellos, casa de amigos...)

A frecuencia de uso de internet:
-Diariamente: 33,9%
-Semanalmente: 41,8%
-Unha vez ao mes: 19,1%

Internet chega lentamente ás empresas galegas
No último ano o empresariado galego tería recurtado a fenda de máis de dez puntos que o separaba da media estatal en canto porcentaxe de conexión a internet, segundo asegura o Observatorio TIC da Xunta. Daquela, máis da metade das empresas que non estaban conectadas dicían non ter previsto acceder á rede e non considerala necesaria para a súa actividade.

-Penetración de internet en pemes: 77% (media estatal do 87%)
-Empresas con correo electrónico: 75,3% (media estatal do 83,7%)
-Empresas con extranet e intranet: 13,2% e 27,4% (media estatal de 16,9 e 32,6%)
-Web corporativa: 28% (media estatal de 33%)
-Uso do comercio electrónico: 23% (=media estatal)
-Empregados que usan o PC en empresas con máis de dez empregados: 93,5% (media do 96,5%); sobre o total de traballadores: 47% (media estatal do 51%)
-Empresas con banda larga: 52% (INE) (media do 71%), o Observatorio TIC amosa un avance no 2004 deica o 68% de empresas con banda larga

Máis datos (Avance 2004 do Observatorio TIC):
-Empresas con acceso a internet: 91% (o 90% das pequenas e o 99% das medianas)
-Teñen computador fixo: 99%
-Teñen computador portatil: 36%
-Teñen antivirus: 93%
-Uso do comercio electrónico: 18,5%
-Empresas con web propia: 41%
-Empregados adicados exclusivamente á informática: 24%
-Empresas non conectadas que cren que se beneficiarían de ter un computador: 62%
-Empresas que cren que se beneficiarían de ter web: 60%
-Empresas que cren que se beneficiarían vendendo por internet: 24%
-Usan a videoconferencia: 1%

A fenda dixital tamén é de xénero en Galiza
Ata catro puntos por baixo aparece a taxa de mulleres que se conectan a internet respecto á dos homes no último estudio realizado polo INE ao respecto. O informe presentado pola Comisión Europea subliña as eivas no acceso á rede da muller, malia os avances nos últimos anos. En Galiza a peneira dos datos da fenda dixital por xénero amosa aínda resultados máis baixos cando se refire ao acceso da muller ás novas tecnoloxías.

Sobre a porcentaxe do total de persoas que usaran o computador nos últimos tres meses, a enquisa máis recente do INE sinala que un 10% menos de mulleres utilizaran ferramentas informáticas, nunha diferenza que é aínda máis pronunciada no contorno rural.

A última análise do Eurostat sinala a nivel da UE un aumento do uso da rede entre as mulleres do 28,5% ao 39% nos últimos tres anos. No caso dos homes, o aumento foi do 40,5% ao 48% nese período. O Estado español ofrece as diferenzas máis extremas neste indicador entre homes e mulleres: un 40% de homes dixeron conectarse a internet fronte a un 29% de mulleres. A Comisión destaca a importancia das novas tecnoloxías como parte dos programas de loita contra a exclusión social e recomenda deseñar medidas que corrixan a situación.

No anterior estudio do INE, as diferenzas quedaban coma segue:

Internet:
Perfil de usuario – 41,0% de mulleres
Taxa de penetración – 19% entre as mulleres (28,8% en homes)

Porcentaxe de persoas que se conectaron á internet en Galiza (datos 2002)
Mulleres - 14,57
Homes - 20,37

Porcentaxe de persoas que realizaron algunha compra pola internet en Galiza (2002)
Mulleres – 0,73
Homes – 2,15

Porcentaxe de usuarios de móbil en Galiza
Mulleres – 38,32
Homes – 51,99

Porcentaxe de persoas que usan computador en Galiza
Mulleres – 22,02
Homes – 28,99



Ligazóns relacionadas:
O programa completo do Congreso de Nova Escola (.pdf)

OUTRAS NOTICIAS
O Sergas defende o gasto de 650.000 euros en licenzas de Microsoft
Demanda a Microsoft porque o Internet Explorer non ocultou a súa afección ao porno
As ferramentas de software libre para o audiovisual danse a coñecer na Coruña
Defensa desenvolve un sistema para espiar as comunicacións vía internet
Mercan os dereitos sobre a patente dos reprodutores mp3 e denuncian os principais fabricantes
Nacións Unidas crea un videoxogo que ensina a prever os desastres naturais
A OCU denuncia as diferenzas entre a publicidade da banda larga e as prestacións reais
Cidadáns de Foz e Allariz poderán intercambiar servizos en liña dende abril
Bota a andar Páxinas.com, un buscador de información galega na rede
O Supremo dos EUA confirma que os blogueiros non son responsábeis dos comentarios