Escáner do Patrimonio inmaterial galego-portugués
Vieiros No escáner

CONTACTA CON VIEIROS
NOVAS
HOXE AO COMPLETO
OPINIÓN
NO ESCÁNER
GALERÍAS FOTOGRÁFICAS
ALGO ESPECIAL
ANTERIORES
COMUNIDADE
AXENDA
CHAT-CHAT-CHAT  
FOROS
ENQUISAS
POSTAIS
TENDA
LIGAZÓNS
BUSCADOR
NOVIDADES
TOP100
DOSSIERS
PUBLICIDADE
QUE É VIEIROS

 
O valor do inmaterial


O patrimonio inmaterial galego portugués representa unha riqueza para a humanidade, a pesar de que este ano a Unesco decidise non recoñecer como Obra Mestra a candidatura promovida por Ponte... nas ondas!. Todo un conxunto de saberes comúns, transmitidos oralmente de xeración en xeración, sobre o que pende a ameaza da desaparición. Porén, a candidatura non só predende conservar esta tradición, senón poñela en valor. Porque do que se trata é dun patrimonio para o futuro.


A candidatura galego portuguesa non supera a peneira da Unesco
[25/11/2005] O xurado da Unesco encargado de avaliar as 66 candidaturas que se presentaron para optar ao recoñecemento de Obra Mestra do Patrimonio Inmaterial da Humanidade decidiu non proclamar na edición deste ano a candidatura galego-portuguesa. Quen si obtivo o visto bo do xurado foi a candidatura brasileira do Samba-de-Roda no Recôncavo Baiano, promovida polo propio presidente Lula da Silva, e a catalá do Patum de Berga. A Unesco elixiu 43 candidaturas como Obras Mestras da Humanidade deste ano. Os promotores da candidatura galego-portuguesa non ocultan a súa decepción, pero aseguran que o traballo realizado para a posta en valor do patrimonio inmaterial galego-portugués terá continuidade. De feito, a acta do xurado recolle unha serie de recomendacións para volver presentar a candidatura noutras edicións, facendo fincapé na necesidade de concretar as manifestacións do patrimonio inmaterial galego portugués máis susceptíbeis de seren protexidos e promocionados. A web oficial da candidatura abre agora cunha lenda: "A cultura galego portuguesa é, para nós, Obra Mestra!".
  • Anxo Quintana: "Púxose de manifesto a realidade dunha cultura común que nos identifica en Europa e no mundo"
  • Ánxela Bugallo subliña que malia todo o balanzo da candidatura "é un éxito"
  • O pequeno eco mediático
  • Anteriores: Galiza mira a París nun día histórico para o patrimonio inmaterial galego-portugués
  • Máis información no escáner O valor do inmaterial e na web oficial da candidatura

    O Patrimonio: sen resposta do presidente da Xunta e coas portas dos ministerios pechadas
    [24/11/2005] Este xoves coñeciamos que o presidente da Xunta decidiu non estar en París no acto onde se saberá se finalmente as tradicións orais galego-portuguesas son declaradas pola Unesco coma Obra Mestra da Humanidade. Alén disto, os promotores da candidatura aínda agardan que Emilio Pérez Touriño acceda a recibilos ou, cando menos, lle remita por escrito á Unesco o compromiso coa iniciativa desde a presidencia da Xunta. Á beira, o défice de apoios institucionais inclúe o silencio dos ministerios de Educación e Agricultura españois, mentres os seus homólogos portugueses asomen o protagonismo na difusión. Mentres, a ministra de Cultura, allea ás recomendacións aprobadas no Congreso, restrinxe o seu apoio á candidatura en defensa do "flamenco" que ela mesma iniciara cando estaba na Junta de Andalucía. Con todo, xa está confirmada a presenza na sede da Unesco en París da conselleira de Cultura, Ánxela Bugallo, e do secretario xeral para a Emigración, Manuel Luís Rodríguez, no que Touriño delegou a representación da presidencia da Xunta.

    O itinerario dun soño
    [21/10/2005] A UNESCO, no ano 99, decidiu abrir unha nova liña de protección do Patrimonio tras chegar á conclusión de que corren máis perigo as culturas e os saberes conservados polas persoas, que os monumentos ou as paisaxes. Pouco despois, a candidatura do patrimonio inmaterial galego-portugués ponse en marcha.

    Do lakalaka da "illa dos amigos" ás herbas do "país dos médicos"
    [21/10/2005] En esgrevios recunchos das montañas ao norte de Bolivia vive a comunidade kallawaia, expresión que seica pode traducirse por "país dos herboristas da terra sacra da menciña". Precursores dos actuais homeópatas a especial "cosmovisión andina" desta xente mereceu o recoñecemento da UNESCO na listaxe de obras mestras do patrimonio inmaterial aprobada hai dous anos.

    Da Sociedade das Nacións á "batalla" de Montevideo
    [24/11/2005] A proclamación pola Unesco do patrimonio inmaterial galego portugués como Obra Mestra da Humanidade, de producirse, non sería o primeiro recoñecemento por un organismo internacional da realidade diferenciada de Galiza. O primeiro e máis significativo aconteceu no IX Congreso de Minorías Nacionais Europeas, organismo adxunto á Sociedade das Nacións, reunido en Berna (Suíza) do 16 a 18 de setembro de 1933. Alí, e grazas á intervención do Partido Galeguista na figura de Plácido Castro, o organismo que se convetería na actual ONU, recoñeceu a condición nacional de Galiza, "a súa identidade diferenzada, con idioma, cultura e costumes propios, e ao dereito a dispor libremente do seu destino". Un recoñecemento que xa se producira anteriormente na III Internacional, neste caso como "nación asoballada", segundo conta Castelao no Sempre en Galiza.

    A opinión de...
    [16/11/2005]
  • Francisco Fernández Rei: "O patrimonio inmaterial da Gallaecia"
  • José Luís Forneiro: "Sobre o património oral galego-português e a cultura galega dos nossos dias"
  • Luís Bará: "Unha voz que vén de lonxe"
  • Xosé Vázquez Pintor: "A primeira vez"

    Falando sobre o noso patrimonio inmaterial
    [16/11/2005]
  • Xabier Simón: "A sabedoría tradicional é imprescindíbel para atallar os problemas do campo galego"
  • Marcial Gondar: "Galiza debe ampliar as funcións do seu Monopoly"
  • Xosé Vázquez Pintor: "Hai que pedir vez na casa dos obradores"
  • José María Fonseca: "A cuestión é por que non se fixo en Galiza o que se puido facer en Portugal"
  • Ferro Ruibal: "É unha patoloxía específica de Galiza ese odio á aldea"
  • Luísa Márquez: ""Cómpre abrir as portas da escola aos portadores da tradición oral"
  • Ugia Pedreira: "O folc galego e o portugués son dúas pingas de auga"

    A recta final
    [21/10/2005] Axenda de actos de promoción da candidatura.

    O patrimonio inmaterial como factor de desenvolvemento
    [21/10/2005] Non se trata de facer un museo co patrimonio inmaterial galego-portugués. Todos estes elementos culturais de tradición oral poden ser recuperados como factores de desenvolvemento. Son as potencialidades dunha tradición que se proxecta no futuro.

    Apoio institucional á candidatura galego-portuguesa á Unesco
    [27/10/2005] O parlamento galego aprobou por unanimidade unha declaración institucional de apoio á candidatura do patrominio inmaterial galego-portugués. Pero o respaldo institucional á inicitiva de "Ponte... nas Ondas!" chegou tamén desde Bruxelas. A División de Patrimonio Inmaterial da UNESCO recibiu este xoves en París a declaración de apoio á candidatura galego-portuguesa de varios membros do Parlamento Europeo, que entra na fase final das proclamacións das Obras Mestras da Humanidade.

    Para que serve sermos Obra Mestra da Humanidade
    [23/11/2005] En 2001 proclamáronse 19 candidaturas a Obra Mestra do Patrimonio Oral e Inmaterial da Humanidade, catro delas multinacionais, igual cá candidatura galego-portuguesa deste ano. Este ano, a candidatura do Patrimonio Inmaterial Galego-Portugués terá competidoras nos proxectos de México -que concorre coa imaxe pública de Carlos Fuentes-, e en expresións coma o taekwondo ou o flamenco, candidatura que presenta a Junta de Andalucía en colaboración con entidades de Marrocos e Túnez.

    O labirinto institucional da candidatura
    [21/10/2005] Principais fitos da para a presentación e asunción institucional da candidatura do patrimonio inmaterial galego portugués para optar ao recoñecemento de Obra Mestra da Humanidade pola Unesco.

    O Teatro Fraga de Vigo acolle a presentación dos Meniños Cantores
    [07/11/2005] O proxecto Meniños Cantores, que consta dun libro, un CD e un DVD escritos e gravados por nenos de 17 escolas galegas e portuguesas, será presentado nunha gran gala que se vai celebrar no Teatro Fraga de Vigo este luns, día 7 de novembro. Esta obra, segundo explicou Santiago Veloso, de "Ponte... nas Ondas!", remitirase ao xurado internacional que decidirá sobre as candidaturas que optan a ser consideradas Obra Mestra da Humanidade. Veloso considera que este proxecto será decisivo para o éxito da candidatura do patrimonio inmaterial galego portugués. As invitacións para asistir á gala, presentada por Carlos Blanco, pódense solicitar no teléfono: 986 369192.

    Novo pulo á candidatura do patrimonio inmaterial galego-portugués desde Compostela
    [24/10/2005] Un desexo común púxose de manifesto este sábado, no Museo do Pobo Galego en Santiago de Compostela, que o próximo 25 de novembro a UNESCO recoñeza ao Patrimonio Inmaterial Galego – Portugués coma Obra Mestra da humanidade. A conselleira de Cultura, Ánxela Bugallo, presidiu o acto institucional de presentación desta candidatura en Compostela manifestando estar "namorada" desta iniciativa pondo de relevou o apoio do seu departamento indicando que "decidimos mergullarnos nesta candidatura e defendela con uñas e dentes". No acto tamén interviron o presidente do Padroado do Museo do Pobo galego, Isaac Díaz Pardo, o académico Francisco Fernandez rei e o presidente de "Ponte..nas ondas!", Santiago Veloso.

    1.500 persoas asisten no Porto á presentación de "Meniños Cantores"
    [11/11/2005] Gran éxito na primeira das presentacións de "Meniños Cantores" en Portugal. Máis de 1.500 persoas encheron o auditorio da Casa da Música no Porto para asistir ao espectáculo multimedia no que se presentou o traballo "Meniños Cantores", o libro-disco-dvd que ofrece unha visión innovadora e moderna da tradición oral galego-portuguesa coa participación de escolares de 17 escolas de Galiza e Portugal. Por outra parte, continúa medrando o apoio en liña á candidatura do patrimonio inmaterial galego-portugués: xa case 3.000 persoas asinaron o manifesto.

    A Facultade de Ciencias de Comunicación respalda a candidatura do patrimonio inmaterial
    [10/11/2005] A Facultade de Ciencias da Comunicación da USC amosou o seu apoio á candidatura do patrimonio inmaterial galego portugués á Unesco. A Facultade decidiu unirse a esta iniciativa civil tendo en conta que o patrimonio oral actual "é o resto do primeiro medio de comunicación de masas que existiu nas distintas sociedades e o exemplo vivo máis claro de como se transmitían noticias a distancia e como estas perviviron no tempo". Tamén a Facultade de Filoloxía da USC ten programado para o vindeiro día 23 de novembro unha serie de actos de apoio á candidatura, entre eles, unha conferencia do catedrático de Antropoloxía Social, Marcial Gondar.



  • VOLTA
    A riqueza da literatura oral, da música e a danza, lendas, contos e cantigas conservadas na memoria dos máis vellos, un universo festivo adaptado aos ritmos da natureza e do ano no berce dunha cultura de fonda raigame ecolóxico-cultural, o vencello co mar e as formas específicas de apropiación da terra, a proximidade da fala... A cada lado do Miño, galegos e portugueses comparten unha visión do mundo, unha simboloxía marcada polo contexto histórico e ecolóxico que os identifica nunha consciencia con referentes culturais idénticos.
    REVOLTA
    "A salvagarda deste patrimonio é unha garantía de sustentabilidade da diversidade cultural", subliña a convención da Unesco para a defensa do patrimonio inmaterial. O recoñecemento que a institución internacional ofrece é moito máis ca unha simple etiqueta e require da posta en marcha de compromisos concretos por parte dos Estados implicados unha vez que é outorgada. E nese traballo destaca sobre todo a chamada á implicación dos múltiples actores sociais, económicos, políticos... das comunidades que acubillan este tesouro.
    REVIRAVOLTA
    A candidatura do Patrimonio, nada á beira do inédito abrollo colaborativo ás dúas beiras do Miño que supuxo a iniciativa Ponte nas Ondas, debe ter continuidade a pé de rúa. A sociedade asumiu un protagonismo nese labor de tender pontes onde as institucións se tiñan amosado tan pouco ambiciosas. Hai moito traballo para o día despois do 25 de novembro, independentemente da consencución ou non da mención da Unesco. O exercicio didáctico da defensa desta candidatura acadou un pulo que non debe esmorecer despois dese día.



    MIRA TI

    Trivial

    Coloca un baner na tua paxina web

    Asina ti tamen

    Postais Patrimonio Inmaterial

    PUBLICIDADE
    Concerto SONS

    PUBLICIDADE

    Ciclo: Os encontros do Club


    Concurso de Viñetas. Dia Internacional da Muller

    PUBLICIDADE
    Xornal electrónico en Pontevedra

    PUBLICIDADE
    Novidades Xerais

    Vieiros da escola
    Vieiros da escola 15

    Nova entrega de Vieiros da Escola: noticias e recursos educativos sobre o "Comercio xusto".


    © Vieiros