DON RAMÓN OTERO PEDRAIO
EXPLÍCANOS A TRADICIÓN
DO
TIZÓN DE NADAL.

 

A tradición do cepo de Nadal é recollida por Don Ramón Otero Pedraio co nome de tizón de Nadal. Deixemos que sexa el quen nos explique mellor a nosa maneira de vivirmos esa noite.

 

 

O TIZÓN DE NADAL

"É un cañoto grande dun árbore, que nas montanas do leste da provincia de Lugo, en moitos sitios da de Pontevedra, e noutras terras, botan ó lume na noite do 24 de Nadal, e deixan queimar deica a mitá, e o que queda gárdano pra cando hai treboada; entón, bótano de novo a arder na lareira, pra arredar o pedrazo e os raios. Nalgús lados, semella que aproveitan a borralla pra botaren nos eidos, o cual sí que é un verdadeiro rito fertilizante de maxia agraria. Mais tamén tén relación coa presencia das ánimas da familia na noite de Nadal, arredor do lume.

O tizón de Nadal é rito coñecido e usado en toda Europa, e faise tamén en moitas partes de Hespaña. En Cataluña vén ser o que chaman o
tió, no que baten os nenos da casa pra que lles bote dulces, que os pais lle meten dentro.

A súa orixe recúa con seguranza deica os tempos mais vellos."

Volver ó URL das ascuas