Raida Rodríguez naceu en Ourense en 1980. Estuda filosofía na UB, ten colaborado en Vieiros Barcelona e xa publicou algúns dos seus textos nas Redes Escarlata. Podes ler un poema seu aquí: "Os bosques líquidos".

O premio Rosa Reboredo de narrativa foi para Venres desesperado, de Francisco Castro Veloso, de Vigo, e tivo unha mención especial do xurado Cando o mudo falou de Francisco Piñeiro González de Cervo.

O xurado estaba presidido por Carlos Sixirei Paredes, Subdirector Xeral de Comunidades Galegas da Xunta de Galicia e como vogais formaban parte Miguel A. Fernán-Vello, poeta e dramaturgo, Rocío García, do concello de Cornellà, Mª Xesús Lama, profesora de Filoloxía Galega na UB; Lito Caramés, profesor e escritor, J. Mª Eguileta, profesor da UNED e arqueólogo municipal de Ourense, José Lamela, enxeñeiro industrial, e Miriam López Alvarado, responsable de cultura da A.C. Rosalía de Castro.

En palabras de Míriam López, cómpre destacar a alta calidade dos textos nesta edición dos certames, e o feito de que o primeiro premio do Rosalía vaia para unha residente en Barcelona. Isto vén confirmar que fóra de Galicia seguen xurdindo novos escritores en galego. No certame de narrativa o bon nivel das obras fixo que o xurado outorgase, ademais do premio, unha mención especial. O Rosa Reboredo é un premio novo coa particularidade de que se poden presentar narracións en calquera das linguas do estado. A primeira edición foi para un texto en catalán e nesta segunda os dous premiados están escritos en galego.

O certame de poesía Rosalía de Castro é un dos certames en lingua galega con máis prestixio fóra de Galiza no que, ademais, se abren paso as novas xeracións de poetas. Coincidindo con esta edición é noticia a recente publicación de Argilosa de Elvira Riveira, que acadou o premio Rosalía de Castro no 2003.

Fina Iglesias

OUTRAS NOTICIAS
VII Concurso de Música e Baile Tradicional Galego en Catalunya
Reinícianse as entregas do Itinerario 'Barcelona na literatura galega'
Álvaro Cuqueiro: 'Rondeau en louvor d-unha dona catalana'
O tradutor ao catalán de Teresa Moure: 'O texto non é sagrado: non hai nada que traizoar'
Conferencia da escritora Teresa Moure: "Herba moura"
A reportaxe ''Mexillóns, dornas e unha gaita" do Canal 33 xa se pode ver na rede
Benaventurados os fillos de Don Quixote
'Viaxes' de David Pintor en Sargadelos Barcelona
Unha boa escolma da pintura figurativa
Obrigadísimo, Quico&Narf