Segundo informa Europa Press, o presidente da Xunta recoñeceu que, a día de hoxe, "é posíbel" que non se localizase na ría de Pontevedra a celulosa de ENCE, pero puntualizou que, a pesar diso, esta industria "de momento logrou unha enorme riqueza para a cidade".

Ao seu xuízo, ENCE "tivo que superar ata agora moitas descorazonadas", ata o punto de que chegou a anunciar que renunciaba á instalación da fábrica de papel tisú en Lourizán, un proxecto que "ten maior valor engadido". "Iso foi o que conseguiron ata agora os señores Lores e compañía", engadiu.

Para Fraga, a papeleira de Lourizán "non ten nada que ver" coa celulosa que ENCE pretende abrir no departamento uruguaio de Fray Bentos, onde xa conta na actualidade cunha fábrica de estelas de eucalipto que opera na súa terminal loxística de M'Bopicuá, inaugurada en novembro do ano pasado. A factoría de Uruguai non suporía, segundo Fraga, ningunha competencia para a planta de Lourizán.

"Os ecoloxistas fanáticos teñen avariada unha parte"

Sobre o rexeitamento social que xerou o anuncio da construción da planta uruguaia de ENCE, Fraga afirmou que "hai quen interpreta fanaticamente o medioambientalismo", pero esas persoas, "non son de dereitas nin de esquerdas, senón xente que ten avariada unha parte". "Se houbese destes cando estabamos nas covas de Altamira, aínda estariamos nelas. Isto non é política medioambiental, é prexudicar o desenvolvemento sustentábel das sociedades", engadiu.

OUTRAS NOTICIAS
Pleno moi movido.
Asociación pola Defensa da Ría reclama un expediente contra Ence polos ruídos
A golpe de venres
Laura Pernás fúndese con A Pega Moura
Conferencia a cargo de Ridvan Çelik sobre a situación do pobo kurdo
A arte dos datos
Van cinco e as que virán
O Colectivo Nacionalista de Marin "amosa a sua solidariedade coas reivindicacións das mariscadores e reclama o saneamento da Ria."
A Asociación pola defensa da ría di que Ence só persigue o beneficio económico co peche dos seus centros
Ana María ingresa no cárcere