Contos xa publicados: • A estas alturas [22/12/2000] • Frenadol Cómplex Granulado [15/12/2000] • A inqueda noiva do ilusionista [07/12/2000] • A tremebunda morte da estanqueira estancada [01/12/2000] • Unha vida Pulp Fiction [23/11/2000] • Atopámonos diante da armería [17/11/2000] • A cociñeira que soamente cociñaba ovos cocidos [10/11/2000] • Futuro raro [03/11/2000] • Unha pizza de moras [27/10/2000] • Texas Tornado [19/10/2000]		Jaureguizar Jaureguizar -a secas, así o quere el- veu a luz en Bilbao, aló polo 1965. Non sabemos por que razóns ou traumas da infancia... a este home gústalle o hiphop, os manga xaponeses, os cómics... e a Internet. Semella (a simple vista) que o seu é comunicar, sexa cal sexa o soporte ou o formato. É xornalista (traballa en El Progreso), guionista, novelista e dramaturgo, ademais de cantante no grupo "Elviscristo Furious Machine". Todo isto nunha mesma persoa. A súa máis coñecida faceta é a de escritor, ás veces mesmo abandeirando o movemento Bravú. Velaquí os seus froitos literarios: • Fridom spik (colección "Ferros", Xerais,1995), contos. • Todo a cen (Sotelo Blanco, 1996), novela xuvenil. • Comendo espaguetis diante da televisión (colección "Negra", Xerais, 1998) novela negra • A rutina corsaria (colección "Fóra de Xogo", Xerais, 1998), novela de aventuras. • Salitre. (Xerais, 2000), novela xuvenil. A súa última obra é virtual: Infimos.net. Trátase dunha web que publica narracións de menos de cinco liñas. Ou o que é o mesmo, contos ínfimos. Nela Jaureguizar verque "Touciño de Ceo", o primeiro volume destas labazadas narrativas. Aberto ao público.