Linme hoxe toda por dentro

Son as voces máis novas da poesía, e teñen moito que dicir. Son os dinamiteiros da fala de hoxe. No primeiro arquivo poderedes escoitar unha mostra da súa creación, e, no segundo, a súa opinión sobre a achega de María Mariño á literatura.

• Daniel Salgado

  "A fin da historia"

  (Monterroso, 1981). Xornalista na sección galega de El País, ten publicados os poemarios Sucede, Días no Imperio, gañador do XXIV Premio Esquío, e Éxodo.
• Xiana Arias

  "Sentada na porta da casa"

  (A Fonsagrada, 1983). Xornalista no Diario Cultural da Radio Galega, publicou recentemente Ortigas, premio Pérez Parallé de poesía, en Espiral Maior.
• Diana Varela

  "Como os amantes de Montbosc"

  (Corme, 1982). É avogada, e xa gañou os premios Díaz Xácome, coa obra Afirmación en nove cantos, e o Uxío Novoneyra, con Xardín de palabras.
• Verónica Martínez

  "Pero de súpeto regresa o silencio"

  (A Frouxeira, Valdoviño, 1976). Licenciada en Historia da Arte, publicou Desterrada do meu corpo (2001), Deshabitada, e sen verdugo (2002) e Cara a un solpor de gatos (2005).
• Alberte Lema

  "Colombia, capital Cambados"

  (Bamiro, Vimianzo, 1975). É filólogo e publicou no mes de novembro Veremos caer os muros, un longo poema épico que retrata un mundo irreal, na recén creada Estaleiro Editora.
• María Lado

  "Novembro"

  (Cee, 1979). Estudou Filoloxía Galega, e é autora dos poemarios A primeira visión, Casa Atlántica, Casa Cabaret e Berlín. Acaba de gañar o XIX Avelina Valladares de Poesía coa obra Nove.

A poesía de María Mariño ten suscitado varias investigacións, dende o ámbito da literatura en xeral e da crítica literaria feminista en particular. Mesmo houbo quen musicou poemas, e tense convertido en fonte de inspiración para o cinema documental.

• Manuel Forcadela

  "Unha indagación no territorio María Mariño"

  O escritor e profesor Manuel Forcadela acaba de presentar o documental 'Estudos sobre María Mariño' no Cultur.Gal, e falou con Vieiros do proceso de produción. Aquí podedes ler a entrevista.

• María Xosé Queizán

  "María Mariño podería ser escritora senlleira de calquera literatura"

  María Xosé Queizán, directora de Festa da Palabra Silenciada, ten abordado en varias ocasións a figura de María Mariño dende a crítica literaria feminista. Aquí podedes ler a entrevista.

• Carmen Blanco

  "Poesía para a paz"

  A profesora Carmen Blanco, que ten investigado dende a crítica literaria feminista sobre María Mariño, publicou este ano Vida e obra de María Mariño, e reflexiona neste artigo sobre a poeta. Aquí podedes lelo.

• Uxía

  "Pareceume unha poeta fascinante"

  A cantante Uxía é autora dunha versión musicada do poema Vogar, de María Mariño, que se incluíu no seu disco Danza das Areas. Aquí podedes ler a entrevista.
• Manoele

  "Poesía moi densa, case prosa lírica"

  Manuel Vázquez Fernández, máis coñecido como Manoele de Felisa, é un cantautor de Cuntis que acaba de sacar ao mercado o disco A María Mariño. Aquí podedes ler a entrevista.
• Maite Martín

  "Muller adiantada ao seu tempo"

  Maite Martín Barrenechea, neta da irmá maior de María Mariño, Concha, vive en Madrid, e malia non chegar a coñecer persoalmente á súa tía avoa, ten investigado moito sobre ela. Falou con Vieiros das súas lembranzas.